تعبت ايامنا مننا ومن قلة فرحنا
وراجعت نفسها وقالت تلمها
اصلها وجعت فينا كتير
زينا زي الملايين
اللي نايمين صاحين موجوعين
لا فرحانين ولا زعلانين.
اصلهم تايهين وسرحانين
بين الحنين والانين
ومش لاقين ضحكه حتى سلف
واللي يقولك لأ اصل السلف تلف والرد خساره
طب سلفني حتي عبارة او كلمة اخبي فيها اوجاعي
وادور علي باب تاني يظهر فيه عنواني.
عنوان جديد مالوش مثيل.
اصل الحدوتة كبيرة يا للى عامل كبير
ضحك علينا وقال ياما فينا
وعشمنا بالفرح والسعادة.
بس الوجع مهانش عليه نفرح شوية او حتي ساعة.
بس قرروا يسرقوا ضحكة سلف.
ويعيشوا مبسوطين حتي ولو ساعة
بس بصراحة مش عارفة ليه ساعات كتير بيكون الحنين مالوش مثيل
اضحكوا وافرحوا وعيشوا حتي لو الضحكة سلف.
